Supertotobet deneme bonusu alarak siteyi test edebilirsiniz.
Supertotobet deneme bonusu alarak siteyi test edebilirsiniz.
Актуальный Бонус За Регистрацию В Admiral X 1000 Рублей
Актуальный Бонус За Регистрацию В Admiral X 1000 Рублей
ކަސްރަތު ކުރުމުން ނަފްސާނީ ސިއްހަތު ވެސް ރަނގަޅުވޭ!
ކަސްރަތު ކުރުމަކީ ހަށިގަނޑު ރަނގަޅު ބައްޓަމެއްގައި ބެހެއްޓުމަށާއި ބައެއް ބަލިތަކުން ދިފާއުވުމަށް ކުރާ ކަމެއްކަން އެންމެންނަށް ވެސް އެނގެ އެވެ.
އެހެންނަމަވެސް ކަސްރަތު ކުރުމުގެ ސަބަބުން އިތުރު ފައިދާތަކެއްވެސް ހަށިގަނޑަށް ލިބޭކަން އެނގެނީ މަދު ބަޔަކަށެވެ. އެގޮތުން ވިސްނުން ރަނގަޅުވުން ފަދަ ނަފްސާނީ އެތައް ފައިދާއެއްވެސް ލިބެ އެވެ.
ކަސްރަތު ކުރުމުގެ ސަބަބުން ސީދާގޮތުންނާާއި ނުސީދާގޮތުން ވިސްނުން ރަނގަޅު ކުރުމަށް އެހީތެރިވެދެ އެވެ. މިގޮތުން ކަސްރަތު ކުުރުމުގެ ސަބަބުން އިންސުލިން ރެސިސްޓެންސްއާއި އިންފްލެމޭޝަން ދައްކޮށްދެ އެވެ.
ނަތީޖާއެއްގެ ގޮތުން އުފެދޭ ގްރޯތު ފެކްޓާގެ ސަބަބުން ސިކުނޑީގައި އާސެލްތައް އުފެދުމަށާއި ހަލާކުވެފައިވާ ސެލްތަށް ސިކުނޑިން ބޭރުކޮށް، ސިކުނޑިއަށް ލޭދައުރު ކުރާ ލޭހޮޅި މަރާމާތު ކުރުމަށް އެހީތެރިވެދެ އެެވެ.
މީގެ އިތުރުން ކަސްރަތު ކުރުމުގެ ސަބަބުން ތިމާގެ ނިދުމުގެ އާދައާއި މިޒާޖަށްވެސް ބަދަލުތަކެއް އާދެއެވެ. ކަސްރަތު ބަރާބަރަށް ކުރުމުގެ ސަބަބުން ނިދުމުގެ އާދަ އެއްގޮތެއްގައި ހިފެހެއްޓުމުގެ ނަތީޖާއެއްގެ ގޮތުން ވިސްނުމުގެ ބާރު ރަނގަޅުކޮށްދެ އެވެ.
ހަމައެއާއެކު ޑިޕްރެޝަންއާއި އެންޒައިޓީ ފަދަ ކަންކަމަކީ ވެސް ކަސްރަތުން ކުޑަ ކުރެވޭނެ ކަންކަން ކަމަށް މާހިރުން ވިދާޅުވެ އެވެ.
މިކަމަށް ބާރުދޭ ދިރާސާތަކެއްވެސް ކުރެވިފައި އެބަހުއްޓެވެ. މިގޮތުން ހާވާރޑްގައި ނިއުރޯބައޮލޯޖިސްޓެއްކަމަށްވާ ސްކޮޓް ތިން އަހަރުި ދުވަހު އެކި އުމުރު ފުރައިގެ މީހުން ބޭނުންކޮށްގެން ހެދި ދިރާސާއެއްގައި ވާގޮތުން ޤަވާއިދުން ކަސްރަތު ކުރާ މީހުންގެ އިންޓެލިޖެންސް ކޯޝަންޓް މައްޗެވެ.
ގަވާއިދުން ކަސްރަތުކުރާ މީހުން މާ އުފާވެރި: ދިރާސާ
ކަސްރަތަކީ ޖިސްމާނީ ގޮތުން ހަށިގަނޑު ދުޅަހެޔޮކުރުމަށް ކުރާ ކަމެކެވެ. އެހެންނަމަވެސް، އެކަމަކީ، ޖިސްމާނީ ގޮތުން ހަށިގަނޑު ދުޅަހެޔޮ ވުމުގެ އިތުރުން ނަފްސާނީ ގޮތުން ވެސް ހަށިގަނޑު ދުޅަހެޔޮކޮށްދޭ ކަމެކެވެ. ޑިޕްރެޝަން، އެންޒައިޓީ، ސްޓްރެސް ވުން އަދި މޫޑު ބަދަލުތަކުން ދުރުކޮށްދޭ ކަމެކެވެ.
ކޮންމެ ދުވަހަކުވެސް، ކަސްރަތު ކުރުން އެންމެ އެދެވިގެންވަނީ 30 މިނެޓާއި 60 މިނެޓަށެވެ. ނަމަވެސް، އެންމެ 10 މިނެޓު ކަސްރަތު ކޮށްލައިގެންވެސް، ނަފްސާނީ ގޮތުން އެތައް ފައިދާތަކެއް ކުރާކަމަށް އެކި ޖާނަލްތަކުގައި ކޮށްފައިވާ ދިރާސާތަކުން ބުނެ އެވެ.
“ދަ ޖާނަލް އޮފް ހެޕިނަސް ސްޓަޑީޒް” ގައި ޝާއިޢުކޮށްފައިވާ ލިޔުމެއްގައި މިކަން ބަޔާންކޮށްފައިވާއިރު، މިކަމުގައި ވަކި ކަސްރަތެއް މޮޅު ކަމެއް، ހޯދިފައި ނުވާކަމަށް ނުވަތަ އެގޮތަށް ފާހަގަކުރެވިފައި ނުވާކަމަށްވެސް ބުނެފައިވެ އެވެ. އެމީހަކު ކުރާހިތުން ކުރާ ކޮންމެ ކަސްރަތެއް ވެސް، އެންމެ 10 މިނެޓަށް ކޮށްގެން ނަފްސާނީ ގޮތުން ދުޅަހެޔޮވާ ކަމަށް އެ ދިރާސާގައި ބުނެފައިވެ އެވެ.
އެގޮތުން، އެއީ ދުވުމާއި ހިނގުމާއި ޔޯގާއާއި ޖިމް ޖެއްސުންކަމުގައިވިޔަސް، އެކަމުގައި ތަފާތެއް ނެތްކަމަށް މާހިރުން ބުނެފައިވެ އެވެ.
ކޮންމެ ދުވަހަކު 10 މިނެޓުގެ އިތުރުން، ހަފްތާއަކު އެންމެ ދެ ފަހަރު ކަސްރަތުކުރާ މީހުންވެސް، އެނޫން މީހުންނާ އަޅާ ބަލާއިރު މާ އުފާވެރިކަމަށް އެ ޖާނަލްގައި ބުނެފައިވެ އެވެ.
ސްޕޯރޓްސް އާއި ރިހެބިލިޓޭޝަން އަށް ޚާއްސަ މަގޭ ފިޒިއޯ ހުޅުވައިފި
މަގޭ ފިޒިއޯ ކްލިނިކަކީ ރާއްޖޭގައި ފުޅާ ދާއިރާއެއްގައި “ސްޕޯރޓްސް ރިހެބިލިޓޭޝަން އަދި ފިޒިއޯތެރަޕީ” ދިނުމަށް އަމާޒުކޮށް 29 މާރޗް 2023 ގައި މިނިސްޓްރީ އޮފް ހެލްތު ގައި ރަޖިސްޓަރީކޮށް ހުޅުވާފައިވާ ކްލިނިކެކެވެ. މި ކްލިނިކުން މިހާރު ވެސް “ސްޕޯރޓްސް ރިހެބިލިޓޭޝަން އަދި ފިޒިއޯތެރަޕީ އާ ގުޅޭ ތަފާތު ޚިދުމަތްތައް ދެމުން އަންނަ އިރު މި ކްލިނިކް ފުޅާ ކުރުމުގެ ގޮތުން “މަގޭ ފިޒިއޯ” ގެ މެނޭޖްމަންޓުން އަންނަނީ ސްޕޯރޓްސް އާއި ރިހެބިލިޓޭޝަން އާ ގުޅޭ ތަފާތު ޚިދުމަތްތައް މި ކްލިނިކުން ދެވޭނޭ އިންތިޒާމް ކުރަމުންނެވެ.
“މަގޭ ފިޒިއޯ” ހުޅުވުމުގެ ރަސްމިއްޔާތުގައި އެ ކްލިނިކް ގެ އެއް ޑިރެކްޓަރ ޑރ. އައިޝަތު ޝިފާ ވާހަކަދައްކަމުން ބުނެފައިވަނީ އެ ކްލިނިކް މިއަދު ހުޅުވިގެން ދާ އިރު އެ ކްލިނިކުން ފިޒިއޯތެރަޕީއާ ގުޅުންހުރި ޚިދުމަތްތައް ދެމުން ގެންދާނީ ދިވެހި ޒުވާން ފިޒިއޮތެރަޕިސްޓުން ކަމުގައެވެ. އަދިވެސް ޑރ. ޝިފާ ގެ ވާހަކައިގައި ކްލިނިކް ގެ ޚިދުމަތް ފުޅާ ކުރުމުގެ ގޮތުން ސްޕޯރޓްސް އާއި ފިޒިއޯތެރަޕީ އާ ގުޅުންހުރި ޑޮކްޓަރުން ވެސް އަވަސް މުސްތަޤްބަލެއް ގައި ކްލިނިކް އިން ކޮންސަލްޓް ކުރަން ފަށާނެއެވެ.